@gmail.com

@gmail.com

માર્ગ અકસ્માતના કેસમાં ગુજરાત સરકાર કરશે 50 હજાર સુધીની સહાય

રાજ્યમાં કોઈપણ સ્થળે અકસ્માતમાં મળશે 50 હજાર સુધીની સહાય.રાજ્યમાં માર્ગ અકસ્માતોના બનાવો વધી રહ્યા છે ત્યારે ગુજરાત સરકાર દ્વારા બુધવારે એક મહત્વની જાહેરાત કરવામાં આવી હતી. જે મુજબ રાજ્યમાં કોઈપણ સ્થળે કોઈપણ વ્યક્તિ માર્ગ અકસ્માતમાં ઈજાગ્રસ્ત થાય તો તેને નજીકની સરકારી કે ખાનગી હોસ્પિટલમાં તાત્કાલિક સારવાર આપવામાં રાજ્ય સરકાર તરફથી રૂપિયા 50 હજારની સહાય આપવામાં આપવામાં આવશે.

50 હજાર સુધીની સહાય

ઈજાગ્રસ્ત વ્યક્તિને 48 કલાકમાં જ વિવિધ જાતની તમામ પ્રકારની સારવાર મળી રહે અને તેનો જીવ બચી જાય તે હેતુથી સરકાર આ રકમ સીધી જ હોસ્પિટલને આપશે. આ યોજનાનો લાભ તમામ લોકોને આપવામાં આવશે. આ યોજનાનું સંપૂર્ણ મોનિટરિંગ રાજ્યકક્ષાએથી કરવાની સાથે રાજ્ય સરકારે વર્ષ 2018-19 માટે રૂપિયા 30 કરોડની ફાળવણી કરી છે.

કઈ-કઈ સારવારનો યોજનામાં કરાયો છે સમાવેશ

જેમાં ઈજાગ્રસ્તનું ડ્રેસિંગ, સ્ટેબિલાઈઝેશન, ફ્રેક્ચર સ્ટેબિલાઈઝેશન, શોકની સ્થિતિની સારવાર, એક્સ-રે, ઈજાના ઓપરેશનો, સીટી સ્કેન, એમઆરઆઈ, અલ્ટ્રા સાઉન્ડ, બ્લડ ટ્રાન્સફ્યુઝન, માથાની ઈજાની સારવાર અને ઓપરેશન, ઘનિષ્ઠ સારવાર એકમમાં (આઈસીયુ), પેટ અને પેઢુની ઈજાઓ જેવી તમામ પ્રકારની સારવાર માટેના ખર્ચનો સમાવેશ થાય છે.

Also Read: દેશી ગાય આધારીત પ્રાકૃતિક ખેતી: દર વર્ષે સરકાર આપશે ૧૦,૮૦૦ રૂ ની સહાય

પ્રથમ 48 કલાકની સારવારનો ખર્ચ નહીં આપવો પડે

અકસ્માતનો ભોગ બનેલા વ્યક્તિને કોઈપણ ખાનગી હોસ્પિટલ, જિલ્લા-તાલુકા હોસ્પિટલો, મેડિકલ કોલેજ-હોસ્પિટલો અથવા કોઈપણ અન્ય જાહેર કે ખાનગી હોસ્પિટલોમાં આ સેવાઓ પૂરી પાડવામાં આવશે. અકસ્માતગ્રસ્ત દર્દીઓએ પ્રાથમિક સારવાર પેટે કોઈ નાણાં ચૂકવવાના રહેશે નહીં. ખાનગી હોસ્પિટલોએ પ્રથમ 48 કલાકની સારવાર પેટે દર્દી પાસેથી કોઈ નાણાં લેવાના રહેશે નહીં. ખાનીગ હોસ્પિટલોએ કરેલી સારવારનું બિલ સબંધિત જિલ્લાના મુખ્ય જિલ્લા તબીબ અધિકારી કે તબીબ અધિક્ષકને રજૂ કરવાનું રહેશે, તેમજ ખાનગી હોસ્પિટલને બિલની 5 50 હજાર સુધીની સહાય મળવાપાત્ર થશે.

- Advertisment -
Google search engine